José Cortizo, boa viaxe!

Jose CortizoO pasado venres 17 de abril deixounos José Cortizo (José da Fonte 1926), veciño de Barro de Arén (Cerdedo-Cotobade) e compoñente das Pandeireteiras de Barro de Arén. Unha pequena homenaxe a este home ao cal lle tiña moito aprecio. Graciñas por compartir toda a túa sabedoría.

 

Unha das cousas que máis lle gustaba era escribir, comparto dous dos poemas que me entregou.

A ALDEA DORMIDA

Andando polos camiños
de aquela aldea dormida,
sólo o silencio che fala
sólo el alí é a vida

Vexo paredes de pedra
que o seu tellado marchou,
co recordo de aquela xente
que tantos anos tapou.

Sinto o chorriño da fonte
que alegre o silencio espanta,
en esa aldea dormida
onde sólo a auga canta.

Así as vexo morrer.


O CAMIÑO DO MONTE

Aquel camiño de pedra
que pro monte nos levaba,
o toxo foino tapando
de el, xa non se ve nada.

Dormidas quedaron as pedras,
sin que as desperte ninguén,
aqueles que as puxeron
dormidos quedaron tamén.

Veume alumenando a lúa
cando viña pra ruada,
ahora vexoa dentro
na túa cara parada.

José Cortizo


Gravado: Rubén Troitiño

Ler máis »

El viaje más teatral de O Fiadeiro

El grupo estrena en Vigo “A viaxe de José do Campo”, cuento musicado en el que alumnos de la Escuela Superior de Arte Dramático escenifican este periplo por las músicas de Galicia

Faro de Vigo | Ágatha De Santos – Vigo 22.05.2019

“A viaxe de José do Campo. Unha viaxe musical dende O Courel a Nueva Orleans” es un cuento musicado de O Fiadeiro y a partir del próximo viernes (21.00 horas), también un montaje músico-teatral, ya que el grupo de folk estará acompañado sobre el escenario del Auditorio do Concello de Vigo de los alumnos de tercer curso de interpretación gestual de la Escuela Superior de Arte Dramático de Galicia (ESAD), que escenificarán el periplo de este chico de O Courel por Galicia a través de sus músicas y su viaje desde Vigo hacia Cuba y después, Nueva Orleans.

Ler máis »

A viaxe de José do Campo

Temos o pracer de anunciarvos a emocionante estrea de A VIAXE DE JOSÉ DO CAMPO, unha historia musical dende O Courel ata Nova Orleáns…

José

Esta viaxe é o resultado do traballo do curso de 3º de Interpretación Xestual da ESAD de Vigo xunto ca A.C.F. O Fiadeiro, un traballo de meses que mestura interpretación e músicas e bailes tradicionais.

Este esforzo creativo, que está baseado no libro-disco homónimo editado por Ton e Son Editorial co Fiadeiro e creado por Xavier Balsas e Rafa Crespo no ano 2015, por fin dará os seus froitos o vindeiro venres 24 de maio, ás 21:00 horas, no Auditorio Municipal do Concello de Vigo, na praza do Rei.

As entradas son a 4 euros e poderán ser mercadas en venta anticipada no local de O Fiadeiro (R/ Xesús Fernández Nº3 Baixo, Vigo) ou na propia taquilla do Auditorio o mesmo día.

Vai ser unha estrea emocionante, vai ser unha viaxe incrible…