Homenaxe a Manuel Cabada, o gaiteiro de Seoane

Fotografías do pasado sábado 7 de maio no Auditorio de Soutelo de Montes no “VII Festival de música tradicional” organizado pola banda de gaitas de Forcarei e homenaxeando a Manuel Cabada Muras, o gaiteiro de Seoane.

Neste festival, ademáis da banda de gaitas, participaron as pandeireteiras Lus de Keikoa, A. C. Donaire, Cántigas da Terra e de Perdidos al trío. Presentou o acto Vero Rilo.

Unha vez máis, agradecer á José Antonio Vidueiros e á banda de gaitas de Forcarei convidarme ao festival para poder facer soar despois de case 50 anos o punteiro de Manuel Cabada. Tamén a Sonia Barreiro e a familia de Manuel por confiarme o instrumento para este evento.

Fotografías de Noelia Ratel.

Forcarei prepara unha gran homenaxe a Avelino Cachafeiro no 50 aniversario do seu falecemento

• O Concello crea unha comisión organizadora na que toman parte Bautista Alberte, Francisco Viéitez e Rubén Troitiño

• A Escola de Cantería da Deputación creará unha peza gravada conmemorativa, unha petición da alcaldesa á institución provincial que se instalará na vila soutelana durante a celebración da próxima Festa do Gaiteiro

O Concello de Forcarei conmemorará este ano o 50 aniversario do falecemento de Avelino Cachafeiro, o Gaiteiro de Soutelo e célebre autor da Muiñeira de Chantada ou da Alborada a Rosalía, coa instalación dunha escultura de pedra en sinal de homenaxe e un ciclo de actividades sobre a súa figura.

A alcaldesa de Forcarei, Verónica Pichel, solicitou a colaboración da Deputación de Pontevedra e a súa presidenta, Carmela Silva, confirmoulle a creación dun fito ou peza gravada por parte da Escola de Cantería da institución provincial. A escultura levará inscrito o título do libro “Voando cas aas da vida” que publicou Avelino Cachafeiro en 1969 e que representa unha alegoría á natureza e á cultura popular da nosa provincia. Será colocada nun espazo público de Soutelo de Montes durante a celebración da próxima edición da Festa do Gaiteiro.

Antes, en torno ao 13 de abril, data do aniversario do pasamento de Avelino Cachafeiro, o Concello de Forcarei levará a cabo un acto floral con acompañamento musical no cemiterio de Soutelo.

Así mesmo, o goberno local impulsou unha comisión organizadora para os actos conmemorativos na que están presentes tamén Bautista Alberte, Francisco Viéitez e Rubén Troitiño. A próxima semana reunirase para concretar as datas exactas e ultimar os detalles do programa.

Entre as actividades previstas están a elaboración de materiais divulgando a efeméride, clases para @s nen@s participantes nas Tardes de Lecer para que coñezan e recoñezan a figura de Avelino Cachafeiro, unha sesión co título ‘Redescubrindo a Avelino Cachafeiro’ para que a veciñanza poida descubrir un pouco máis do famoso gaiteiro, e ata unha foliada no parque de Venezuela, entre moitas outras sorpresas.

E para a celebración da Festa do Gaiteiro, en cuxa programación xa se está a traballar, ademais da inauguración da peza escultórica, recuperarase o ‘Roteiro Musical Avelino Cachafeiro’ coa colaboración da Deputación de Pontevedra, onde se percorrerán os lugares da parroquia que forman parte da biografía do Gaiteiro acompañados das súas pezas musicais. Esta acción realizouse tamén en 2019 da man do artista Xurxo Souto cunha afluencia de público moi notable.

A festa do Gaiteiro ten lugar cada ano o terceiro sábado de agosto en Soutelo de Montes e foi declarada como Festa de Interese Turístico Galego no ano 2010. O evento, que deixara de contar co apoio do Concello no anterior goberno municipal, está a recuperar pulo desde que Verónica Pichel chegou á Alcaldía, amosando o compromiso do seu goberno coa lingua e a identidade cultural e local.

Información do Concello de Focarei

José Fírvida Cachafeiro, “Maduro”

VOLTAR ATRÁS

José Fírvida Cachafeiro fillo de Isabel Cachafeiro e de José Fírvida, naceu en Soutelo de Montes o 24 de abril de 1.926. Coñecido coma Maduro, estaba predestinada a adicarse á música, pois naceu no seo da familia Cachafeiro. O seu parentesco co gaiteiro e as súas raíces soutelás sempre foron un gran orgullo para el.

Os seus primeiros pasos na música na súa primeira infancia viñeron da man dos seus tíos, chegando a acompañalos tocando o bombo ou o redoblante. Aprendeu tamén acordeón e solfexo na casa de Poceiro no anos 40, en Pontevedra e, na súa mocidade, montou con José Gulías Picón, Caladiño, o seu primeiro grupo. Os dous eran integrantes da orquestra Changüí.

Aos 19 anos coñeceu á que sería a súa muller, Enriqueta, de Cachafeiro. Casaron catro ano máis arde e emigraron a Venezuela. Alí, Maduro e o seu tío Castor mantiveron viva a música galega, xa que eran convidados a participar nas festas e actividades culturais que se festexaban, xunto co seu cuñado José Barreiro e, nalgunhas ocasións, dous veciños cerdedenses. Chegaron a participar en importantes eventos como a inauguración do Estadio Olímpico de Caracas no ano 1954.

Os veciños e veciñas recordan a Maduro como unha persoa de grandes inquietudes, con ganas de facer moitas cousas, non só no ámbito musical. Así, compaxinou a súa faceta musical coa empresarial. Comezou traballando como repartir de cervexa en 1951 pero enseguida se converteu no supervisor de ventas nunha empresa de aceite e manteiga.

No seu regreso a Galicia nos anos 60, Maduro asentouse coa súa muller na cidade de Pontevedra, adicándose ao transporte de mercancías. Foi tamén un dos primeiros taxistas da cidade.

Pero a súa paixón pola música, a súa personalidade emprendedora e o orgullo que sentía de ser sobriño do Gaiteiro, do que adquiriu tamén coñecementos sobre ebanistería, fixeron que montara un pequeno obradoiro de gaitas en Soutelo de Montes cando lle chegou a xubilación.

Un dos días máis importantes da vida para Maduro foi a inauguración do monumento aos Gaiteiros de Soutelo no ano 1.980, tal era a admiración e o orgullo que sentía por eles e a súa música. Alí, xunto coa súa irmá Carolina e a súa nai Isabel, viviron como os emigrantes de Venezuela homenaxeaban aos Gaiteiros.

Maduro que era unha persoa moi positiva e que contaxiaba a súa alegría ala por onde ía. Así o recordan na última etapa da súa vida, cando acompaña aos Diplomáticos do Acordeón, cos que fixo actuacións por Galicia, gravaron un disco e apareceron na Televisión de Galicia.

No ano 2.009, outorgáronlle a Maduro a medalla do Gaiteiro de Soutelo, pola súa posta en valor do legado do seu tío. Así completou a etapa que comezara na súa nenez da man do seu tío, e que chegara ao seu fin sendo o herdeiro oficial do legado musical e cultural de Avelino Cachafeiro. 

Maduro faleceu apenas un ano máis tarde, o 18 de febreiro do 2.010.

Ler máis »

XLII Festa do gaiteiro de Soutelo – Pregón e charla/coloquio

O pasado sábado 21 de agosto celebrouse en Soutelo de Montes (Forcarei) a “XLII Festa do gaiteiro de Soutelo”, en homenaxe a Avelino Cachafeiro onde tiven a honra de poder participar coma pregoeiro e dando unha charla/coloquio xunto a Bautista Alberte e Xosé Manoel Rivas Troitiño.

Pregón

Un pracer poder compartir as miñas verbas arroupado pola Banda De Gaitas de Forcarei.

Charla/coloquio “Redescrubrindo aos gaiteiros de Soutelo”

Un enorme luxo e privilexio compartir mesa con Juan Bautista Alberte, sobriño e voceiro do legado de Avelino Cachafeiro e Xosé Manoel Rivas Troitiño, autor do libro O Gaiteiro de Soutelo.


Dende aquí dar as grazas ao Concello de Forcarei por contar comigo neste ano 2021.

Os gaiteiros de Soutelo e Coros e danzas da Terra de Montes – La Voz de Galicia (Hemeroteca)

1991…

➔ 20 DE agosto DE 1991 – la voz de galicia

La «X edición da Festa do Gaiteiro» estuvo rodeada de un fuerte carácter emotivo

Forcarei (Corresponsal)

Con una ofrenda florar al «Monumento os Gaiteiros», llevada a cabo por una de las más jóvenes componentes del grupo de danza de los «Gaiteros de Soutelo», se inició el pasado domingo la «X edición da Festa do Gaiteiro». La celebración de este año, aunque no contó con una gran afluencia de público, sí tuvo, sin embargo, y se puede destacar, un gran carácter emotivo que todos los presentes, tanto en la ofrenda como en los demás actos, pusieron de manifiesto.

Los aplausos sonaron fuerte

El desfile de los tres grupos de gaitas que el concello contrató este año para la celebración recorrió las calles de la villa acompasado por los aplausos de los asistentes. Los grupos «Duos Pontes» y «Os Marteliños» calaron en el público, pero fue con el desfile de los «Gaiteros de Soutelo» cuando las palmas sonaron más fuerte. Una vez realizada la marcha, los grupos de gaitas actuaron en la plaza de la villa donde se haya situado el monumento de los gaiteiros. Este ato tenía una doble finalidad, además de la propiamente lúdica y dedicada a los asistentes, está el propio homenaje que los grupos de gaitas con su actuación le estaban realizando a Xoán, Fermín, Avelino y todo el largo ecetera de gaiteiros que surgieron, se formaron y llevaron la escena de Soutelo por otras tierras.

Ler máis »