Arquivo da etiqueta: ChisPún!

“Non hai fallo”, o novo disco de Abóbriga

O novo disco do grupo Abóbriga, que leva por título Non hai fallo, xa está a venda dende finais do mes de outubro deste 2019. O disco, gravado en ChisPún! Estudios por Rubén Troitiño conta con 16 temas dos cales 11 son cantados, ademáis de un amplo repertorio de composicións propias do grupo.

Xa pasaron uns anos daquel Foliada en Baiona, o primeiro disco do grupo Abóbriga, pero ollo… Non hai fallo, onde hai un primeiro tamén hai un segundo, ademáis cunha dedicatoria moi especial tanto para o grupo coma para todos os amantes da música
tradicional da zona de Vigo e arredores.

Cando falamos de Abóbriga falamos de música de raíz, con personalidade propia, repertorio popular e tamén con temas persoais que reflicten o aire que teñen as composicións que xa consideramos de corte tradicional. Todo elo cunha mestura de gaitas e percusión tradicional sumadas a unha base harmónica proporcionada polo acordeón e dous instrumentos máis xogando coas propias melodías, desfacéndoas e propoñendo outras novas dentro da principal, sen esquecernos das voces, sempre con historias que contarnos. Iso
todo da coma resultado un disco coma este, dende o mítico cuarteto de gaitas ata o son das murgas, encargados de facer festa alí por onde van. Músicas que recordan aos antigos bailes das vilas onde a xente ía para troulear.

Moitos éxitos neste novo traballo discográfico dun ex-abóbrigo, e como diría Tino Gallego: Lume!

Prólogo de Rubén Troitiño

Abóbriga - Banner

Seguir lendo “Non hai fallo”, o novo disco de Abóbriga

Muiñeira Chispún! – Isidro Vidal

Isidro Vidal – #composición365

Baixo o título de #composicion365 escóndese este proxecto no que tódolos días do 2018 Isidro Vidal escribe unha obra musical. Publícanse de forma gratuíta a través sa súa páxina web (isidrovidal.com) e a través das súas redes sociais, co obxectivo de mellorar coma compositor dentro de tódolos ámbitos posibles para gaita de fol, crear repertorio didáctico para o alumnado e aumentar o repertorio do noso instrumento.

Calqueira persoa é libre de compartir e interpretar estas obras, sempre que se respete a autoría. Pódese facer arranxos, versións, ou interpretalas coma se publican, pero non hai que olvidar que é música, e o seu fin é o disfrute e despertar emocións.

O pasado xoves 20 de decembro publicou a “Muiñeira Chispún!”  adicándoma, é por iso que vola deixo por aquí para que a poidades descargar.

Descargar: Muiñeira Chispún! – Isidro Vidal

Seguir lendo Muiñeira Chispún! – Isidro Vidal

Manual ególatra básico – Cristian Silva

Cristian Silva, músico sobradamente coñecido no múndo da música tradicional, presenta este conxunto de 20 pezas para gaita galega (+1), compostas e gravadas polo propio gaiteiro carrilense. Ton e Son Editorial dalle forma a esta publicación en formato libro/CD, tercceira da colección. Están incluídas as transcricións das pezas para dúo, tío de gaitas e solista. Moitas delas inclúen os cifrados para ser acompañadas con outro tipo de instrumentación.

Seguir lendo Manual ególatra básico – Cristian Silva

CD “Aires de Pontevedra” – Oscar Ibáñez

“AIRES DE PONTEVEDRA. HOMENAXE A RICARDO PORTELA 25 ANIVERSARIO PASAMENTO” de Oscar Ibáñez, gaita orixinal de Ricardo Portela, coa colaboración á percusión de Xosé V. Ferreirós (Milladoiro), Chuco Estévez Gonzalez (E-Trad), Gonzalo Caride (artesán-músico), Wenceslao Cabezas “Polo” (Escola Municipal de Danza do Concello de Vigo), Antón López “Toniño” (Treixadura), Manuel Solla (Os Cruceiros), Xosé Carlos V. Bouza e Jesús Corral Fernández (Xarabal), Miguel Souto (O Fiadeiro), Alberto Costas (PelePau), Manuel Alonso e Xosé María Gutiérrez (Noitarega).

Gravado, mesturado e masterizado en ChisPún! Estudio (Vigo) por Rubén Troitiño, edita e distribúe Inquedanzas Sonoras baixo licenza de Oscar Ibáñez.

Seguir lendo CD “Aires de Pontevedra” – Oscar Ibáñez