Arquivo da etiqueta: ChisPún! Estudio

“Non hai fallo”, o novo disco de Abóbriga

O novo disco do grupo Abóbriga, que leva por título Non hai fallo, xa está a venda dende finais do mes de outubro deste 2019. O disco, gravado en ChisPún! Estudios por Rubén Troitiño conta con 16 temas dos cales 11 son cantados, ademáis de un amplo repertorio de composicións propias do grupo.

Xa pasaron uns anos daquel Foliada en Baiona, o primeiro disco do grupo Abóbriga, pero ollo… Non hai fallo, onde hai un primeiro tamén hai un segundo, ademáis cunha dedicatoria moi especial tanto para o grupo coma para todos os amantes da música
tradicional da zona de Vigo e arredores.

Cando falamos de Abóbriga falamos de música de raíz, con personalidade propia, repertorio popular e tamén con temas persoais que reflicten o aire que teñen as composicións que xa consideramos de corte tradicional. Todo elo cunha mestura de gaitas e percusión tradicional sumadas a unha base harmónica proporcionada polo acordeón e dous instrumentos máis xogando coas propias melodías, desfacéndoas e propoñendo outras novas dentro da principal, sen esquecernos das voces, sempre con historias que contarnos. Iso
todo da coma resultado un disco coma este, dende o mítico cuarteto de gaitas ata o son das murgas, encargados de facer festa alí por onde van. Músicas que recordan aos antigos bailes das vilas onde a xente ía para troulear.

Moitos éxitos neste novo traballo discográfico dun ex-abóbrigo, e como diría Tino Gallego: Lume!

Prólogo de Rubén Troitiño

Abóbriga - Banner

Seguir lendo “Non hai fallo”, o novo disco de Abóbriga

Dúas novas publicacións de Ton e Son Editorial

Novas publicacións! Outras dúas saen do forno… Ton e Son Editorial apostando polas nosas músicas.

A partir de hoxe xa podedes encargar as novidades deste ano a través da páxina web de Ton e Son Editorial da colección “20 pezas para gaita galega”: www.toneson.com

Seguir lendo Dúas novas publicacións de Ton e Son Editorial

Manual ególatra básico – Cristian Silva

Cristian Silva, músico sobradamente coñecido no múndo da música tradicional, presenta este conxunto de 20 pezas para gaita galega (+1), compostas e gravadas polo propio gaiteiro carrilense. Ton e Son Editorial dalle forma a esta publicación en formato libro/CD, tercceira da colección. Están incluídas as transcricións das pezas para dúo, tío de gaitas e solista. Moitas delas inclúen os cifrados para ser acompañadas con outro tipo de instrumentación.

Seguir lendo Manual ególatra básico – Cristian Silva

Maqueta Os Abrentes

Portada 2.jpg

Despois de 23 anos de andaina, o grupo de gaitas Os Abrentes de Cerdedo pisa un estudio de gravación paradeixar recollida de forma dixital unhas pezas do seu repertorio. Publícanse en internet cinco temas, onde tres deles foron gravados neste ano 2017 en Vigo. Con esta gravación, o grupo de gaitas intenta amosar o seu traballo buscando a maior naturalidade nunha gravación realizada nunha tarde de sábado para amosar a súa frescura e espontaneidade.

Seguir lendo Maqueta Os Abrentes

Ácido Folclórico – Xurxo Jachía

Xurxo García, máis coñecido como XurxoJachía presenta este conxunto de 20 pezas para gaita galega, compostas e gravadas polo propio gaiteiro de San Andrés de Comesaña e o seu grupo GaitaCia. Ton e Son Editorial e ChisPún! Estudios produciron esta nova publicación en formato libro/CD, incluindo transcricións das pezas para dúo de gaitas e solista.

Seguir lendo Ácido Folclórico – Xurxo Jachía

Heiche de contar un conto

Gravación realizada por nais e alumnos do Colexio Possumus (Vigo) nas aulas de música tradicional.

Participaron nestra gravación: Zaira R. Moreira, Julia Nogueira, Iria Gorrita, Paula Bosch, Eva Collazo, Sofia Silva, Eva L. Pereira, Marina Collarte, Loli Gómez e Lorenzo Pérez.

Tema orixinal incluído no libro-disco XIQUI XOQUE, FIÚ FIÚ. María Fumaça, Editorial Galaxia (2014).

III Premios Martín Códax

Martin Codax.jpg

O pasado xoves 7 de abril comunicaron os finalistas dos III Premios Martín Códax onde O Fiadeiro, xunto con Davide Salvado e Xabier Díaz son os finalistas na categoría de música tradicional. É unha honra poder estar dentro dun colectivo como é O Fiadeiro, ademáis de poder participar tanto nos directos (músico) coma nas gravacións das súas publicacións (técnico de son).