Serán’01 – Cidade da Cultura

Os pasados días 8, 9 e 10 de xuño celebrouse na Cidade da Cultura de Santiago de Compostela o Serán’01 – I Encontro Galego de Cultura Popular: Baile e Música Tradicional.

Entre outros grupos, participou a ACF O Fiadeiro: Orquestra O Fiadeiro, Pandereteiras e Pandereteiros de O Fiadeiro, grupo de baile…

Ler máis »

O Fiadeiro na Reconquista de Vigo ’18

OFR

Volve a Reconquista a Vigo. Este ano se queredes atopármonos teredes que buscarnos na Praza do Berbés, preto do mar e dos soportais que antes animaban os pescadores.

Alí, coma sempre, teremos comida. E tamén festa, música e baile porque para botalos fóra necesítase forza e gañas, pero tamén alegría!

Non o dubidedes… pasade a facérmonos unha visita. Agardámosvos!

ACF O Fiadeiro: www.ofiadeiro.com

Serán do Samín – 2017

O próximo martes 31 de outubro a partir das 19.00 terá lugar diante do mercado do Calvario o Serán do Samaín:

SAMAIN 2017.jpg

Abrirán o serán os mais pequenos e a continuación haberá varias agrupacións tocando e cantanto, así que se formas parte dalgunha agrupación de gaitas ou pandeireta non dubides en vir a participar.

Teremos festa ata ás 23.30, repartiremos chocolate e rosca para todos os asistentes

Este ano contaremos con Tarambainas, Pandereteiras A Buxaina, Sete Cuncas e as agrupacións de O Fiadeiro entre outros. Teremos talleres para nenos organizados por Koremi e Troula durante toda a tarde.

Agradecementos ó Concello de Vigo por confiar un ano mais na Asociación O Fiadeiro para organizar o evento.

Esperámosvos para pasar unha tarde/noite de medo.

Escola da ACF O Fiadeiro 2017/18

Xa está aberto o prazo de matrícula para a Escola da ACF O Fiadeiro de Vigo.

Cartel Escola 17-18.jpeg

Dende 1998 están a funcionar as Aulas de Música e Danza Tradicional de “O Fiadeiro” como actividade primordial no que se refire á difusión da cultura tradicional e como un importante nexo entre o “aprendido” e a realidade cultural da tradición galega.

O xeito innovador desta escola baséase nas novas solucións pedagóxicas e na absoluta contextualización dos contidos curriculares, sempre referidos á realidade tradicional e cultural de Galicia, estritamente analizada e debidamente documentada.

A través de diversas metodoloxías pedagóxicas, profesionais das distintas materias mostran unha maneira de lograr o seu obxectivo, transmitindo, para que así perdure, a nosa tradición.

Ler máis »