Quarteirón 2 – Quempallou

Estándar

quarteiron-2

A segunda entrega, dispoñible dende o pasado once de marzo, conta cos temas “E ti que tes?”, “Muiñeira do gaiteiro” e “Pateado da Paínza e do Verdexo”. “E ti que tes?”, tema central desta entrega, é un ritmo de pasodobre misturado cunha parte cantada de composición propia na que se recollen algunhas coplas tradicionais que teñen en común a crítica a aquelas persoas que fachendean do que teñen.

Quarteirón I e Quarteirón II xa estás dispoñibles nas principais plataformas dixitais de streaming ou descarga, como iTunes, Spotify, Deezer, Amazon, Google Play.

  1. E Ti que Tes?
  2. Muiñeira do Gaiteiro
  3. Pateados da Paínza e do Verdexo

Advertisements

A viaxe de Jose do Campo – ACF O Fiadeiro

Estándar

a-viaxe-de-jose-do-campo

Conto orixinal creado por Xavier Balsas e Rafa Crespo en formato libro/CD, para disfrutar toda a familia.

O disco inclúe 15 pistas de audio que fan referencia a esta fabulosa viaxe do noso querido protagonista José, un rapaz do Courel que, motivado polo seu afán de coñecer novas músicas, decide improvisar a súa propia viaxe. Todas as músicas que aquí se recollen, son interpretadas polo grupo O Fiadeiro, así como a narración do propio conto, na última pista do CD.

Seguir lendo

Karaoke Popular

Estándar

karaoke-popular

Nova recompilación de temas en formato Dvd. Un novo modelo de compartir música popular que, de seguro, vos proporcionará divertidos e agradables momentos para cantar, escoitar e bailar entre amigos e familia. O funcionamento é moi simple, xa que só terás que introducir o disco no teu reprodutor Dvd e poñerte a cantar, sen necesidade de micrófonos, nin reprodutores especiais.

Seguir lendo

De oficios e labores Vol. 1 – ACF O Fiadeiro

Estándar

de-oficios-e-labores-vol-1

A publicación “De oficios e labores”, plantexada en dous volumes, trata de ser unha edición exclusiva, apta para todo tipo de públicos, en especial para os amantes da música tradicional. Neste primeiro volume, preséntase un pequeno libro de 28 páxinas, no que se referencian e se ilustran, de forma moi didáctica, diversos oficios e labores coa súa correspondente gravación, a cargo do grupo de música de O Fiadeiro, no seu espectáculo homónimo. Labor de nai, oficio de mineiro, oficio de pedreiro e oficio de músico son os mencionados neste primeiro volume.

Foliada en Baiona – Abóbriga

Estándar

abobriga

“Foliada en Baiona” recolle 16 temas que se dividen entre pezas tradicionais e de composición propia, entre as que se recollen temas como “Muiñeira de Baiona”, “Ximauma”, “Pasodobre de Punta Balea” ou “Rumba da Balsa”, Ramón Pazos comenta que “este traballo é una homenaxe ó pobo que os veu nacer”. O disco leva moitos meses de traballo a suas espaldas e está financiado pola Concellería de Cultura de Baiona, a Comunidade de Montes da localidade, a Taberna Rianxeira, a Asociacion de Comerciantes e Empresarios de Baiona (ACEBA), o furancho A Balsa e a Asociación de Veciños do Casco Histórico de Baiona (CAHIBA).

As bandas de música de Cerdedo

Estándar

as-bandas-de-musica-de-cerdedo

As bandas de música marcaron un século enteiro da vida sociocultural de Cerdedo. No período que abrangue a segunda metade do século XIX e a primeira metade do XX funcionaron nesta vila alomenos catro bandas de música, ás veces de xeito simultáneo. Ademais, os músicos de Cerdedo mesmo fundaron bandas en outras localidades, coma Campo Lameiro ou A Cañiza. A pesares dunha historia musical tan prolífica, as referencias bibliográficas ao respecto son tan escasas que poden ser consideradas como anecdóticas. O libro “As Bandas de Música de Cerdedo” ven a encher este baleiro. Dende a “Asociación Cultural Os Abrentes de Cerdedo”, pensamos que xa vai sendo hora de que Cerdedo comece a recoñecer que ten atrás unha historia musical impresionante. Unha historia que, a piques de ser esquecida, nunca tivo recoñecemento público dabondo. “As Bandas de Música de Cerdedo”, que verá a luz nos vindeiros meses, é o resultado de máis de cinco anos de pescudas levadas a cabo por tres compoñentes do grupo de gaiteiros “Os Abrentes de Cerdedo”. Nesta obra, téntase reconstruir a historia das bandas cerdedenses nun apaixonante percorrido que nos leva a rememorar multitude de situacións e anécdotas. A historia das bandas é tamén a daquela xente que formaba parte delas. Así, ademais presentar a todos os directores, apórtanse datos biográficos de preto de 140 músicos que formaron parte dalgunha destas agrupacións. Todo isto ilustrado cunha gran cantidade de fotografías, a meirande parte delas con máis de 50 anos de antigüidade. Compre dicir que “As Bandas de Música de Cerdedo” é un proxecto que vai máis alá do propio libro. Nos anos de investigación recuperáronse e restauráronse algúns dos instrumentos que pertenceran ás diferentes bandas, así como parte das partituras que conformaban os seus repertorios. Trabállase ademais co propósito de recuperar algunhas das composicións para banda dos mestres cerdedenses.

  • Idioma – Galego
  • Autor – Manuel Campos Toimil
  • Colaboran – Xosé Luís Troitiño Lavandeira e Rubén Troitiño García
  • Edición – Asociación Cultural Os Abrentes de Cerdedo
  • (1ª Edición: Outubro 2010)
  • Colabora – Concello de Cerdedo
  • Depósito Legal – C 2926-2010
  • Páxinas – 270
  • Prezo – 20€