MÚSICO

voltar-atracc81s-1

Titulado en Grao Profesional de Gaita Galega polo Conservatorio Profesional de Música de Vigo co mestre Xosé L. Miguélez, obtendo o Premio Extraordinario Fin de Grao no 2011.

Traxectoria musical sempre vencella á música tradicional galega, formando parte de diversas asociacións culturais, coma pode ser O Fiadeiro de Vigo, Os Abrentes de Cerdedo, ou grupos de música tradicional/folque, coma a charanga Vai de Baile (grupo formado para o programa Luar da Televisión de Galicia), Abóbriga ou na última etapa do grupo Quempallou.

Rubén Troitiño nace no ano 1988. As súas primeiras nocións de gaita foron da man do seu pai José Luís Troitiño, e as primeiras de música,  no ano 1993, da man do mestre Avelino Alberte Fírvida (sobriño de Avelino Cachafeiro), en “Os gaiteiros de Soutelo”, grupo feito na honra de Avelino, onde aprendeu gaita galega, percusión tradicional e linguaxe musical. Neste grupo estivo ata o ano 2000, no que se desfixo esta formación. Entre os anos 1995 e o 2000 estudou na academia de música “Anacrusa”, en Vigo, nas modalidades de piano, técnicas vogais e linguaxe musical. Ao ano seguinte, 2001, entra no Conservatorio Profesional de Música de Vigo, na especialidade de gaita galega. Ademáis da gaita, tamén toca outros instrumentos coma a percusión tradicional, dende o 1995, o clarinete, que o empeza a estudar no ano 2005 ou o saxofón (soprano, alto e tenor), dende o 2006. Impartiu diversos cursos de iniciación e perfeccionamento de gaita galega así coma concertos didácticos.

A súa formación complementouse con diversos cursos coma o I curso de técnicas de interpretación dos Gaiteiros de Soutelo impartido por Juanjo Fernández, de afinación para Gaita Galega impartido por Juan Casalderrey, de control da ansiedade escénica impartido por Guillermo Dalia, diversos curso de técnica vogal impartidos por Teresa Paz ou Tamara Brooks, etc.


ACTUALIDADE

Asociación Cultural Os Abrentes de Cerdedo – Dende o ano 2000
Membro da “A. C. Os Abrentes de Cerdedo” dende o ano 2000 e Presidente dende o ano 2009.


DOCENCIA E DIDÁCTICOS

Concertos didácticos

– Concertos didácticos sobre a música tradicional – 2009/actualidade
– Concertos adicados a achegar a música tradicional aos colexios e institutos.

Docencia

– Mestre de gaita galega na Asociación Veciñal Praza da Miñoca (Vigo) – 2008/10
– Mestre de gaita galega na A. C. F. O Fiadeiro (Vigo) – 2011/20
– Extraescolares de música tradicional no Colexio Possumus (Vigo) – 2015/17
– Extraescolares de música tradicional no CEIP Frian (Vigo) – 2016/17


ASESORAMENTO

Festivais de música

– XXX Festa do Gaiteiro de Soutelo de Montes (Forcarei) – 2009
– XXXI Festa do Gaiteiro de Soutelo de Montes (Forcarei) – 2010
– XXXVIII Festa do Gaiteiro de Soutelo de Montes (Forcarei) – 2017
– XXXVIII Festa do Gaiteiro de Soutelo de Montes (Forcarei) – 2019
50 aniversario da publicación do libro de poemas “Voando cas aas da vida” de Avelino Cachafeiro. 
– 50 aniversario do pasamento de Avelino Cachafeiro, o gaiteiro de Soutelo – 2022


PUBLICACIÓNS

Prensa

Faro de Vigo

Disponible en la web la obra de Rubén Troitiño a Antonio Fraguas – 2019
Rubén Troitiño: “Os gaiteiros de Soutelo e Cachafeiro son referentes da música galega” – 2019
La gaita viajera de Avelino Cachafeiro – 2021
Hai que manter a Festa do Gaiteiro no tempo sen perder a súa esencia – 2021
Las gaitas resuenan en Soutelo – 2021
Una biblioteca musical en Terra de Montes – 2021

La Voz de Galicia

Rubén Troitiño asume la presidencia de Os Abrentes – 2009
Un músico vigués recluta intérpretes para grabar temas de históricos del folk – 2014
Unha muñeira para Antonio Fraguas – 2019
Rubén Troitiño homenajea al Gaiteiro de Soutelo en el aniversario de su muerte – 2020
La gaita coge fuelle en Soutelo – 2021

Artigos en revistas

Fol de veleno, revista de Etnografía e Historia de Galiza – 2010
Nº1 – Artigo sobre o mestre de música cerdedense Ramón José Lavandeira Limeres.

Blogues/web de música tradicional

Arquivos Tradicionais – creador e administrador
Arquivo virtual das músicas de Terra de Montescreador e administrador

Libros

As bandas de música de Cerdedo do autor Manuel Campos – 2010
Colaborador xunto con Xosé Luis Troitiño no libro “As bandas de música de Cerdedo” do autor Manuel Campos.

Gravacións – discos, DVD´s e televisión (coma músico)

A. C. Os Abrentes de Cerdedo e as Pandeireteiras de Barro de Arén – 2009
Gravado no estudio “Phonos” de A Estrada.
A. C. Os Abrentes de Cerdedo – 2009
Gravación para o programa da Televisión de Galicia (TVG) Alalá.
“Realidades Alientantes…” do grupo Dakidarría – 2010
Disco – Colaboración xunto con membros do Conservatorio Profesional de Música de Vigo (CPMV).
A. C. F. O Fiadeiro de Vigo – 2010/14
Disco – Gravacións nos estudios Arte Dixital (Mos) e ChisPún! Estudio (Vigo).
“Foliada en Baiona” do grupo Abóbriga – 2012
Disco – Gravado no estudio “Casa de Tolos” (Gondomar – Pontevedra).
– DVD de Abóriga en directo – 2012
Gravado polo estudio móbil de “Casa de Tolos” para a canle Tolemias de R. Tolemias é unha canle de contidos musicais dispoñibles baixo demanda que xurde da unión de Cinfo (empresa especializada en contidos e desenvolvementos para televisión) e Casa de Tolos. En Tolemias poderás atopar concertos e outros contidos relacionados coa música en directo. Actualmente dispoñible en tv R.
“De oficios e lavores Vol.1” do grupo O Fiadeiro – 2013
Disco – Gravación en directo no teatro “Novacaixagalicia” de Vigo polo estudio móbil de “Rec Estudios”. Mesturado por “ChisPún! Estudio”. Producción “Ton e son editorial”, deseño gráfico de Iago Barreiro e música de O Fiadeiro.
– DVD Karaoke Popular – 2013
Gravado por ChisPún! Estudio, producido por Ton e Son Editorial para Inquedanzas Sonoras. Os arranxos dos temas foron elaborados e gravados por Rafa Crespo, Rubén Troitiño e Suso Atanes.
“A viaxe de José do Campo” do grupo O Fiadeiro – 2014
Libro + Disco. Gravado por ChisPún! Estudio, producido por Ton e Son Editorial para A. C. F. O Fiadeiro.


CONCURSOS, PREMIOS E RECOÑECEMENTOS

Finalista e 4º Posición no “IX Concurso de música tradicional Avelino Cachafeiro” – 2007
Gaiteiro solista, acompañado co tambor por Edelmiro Fernández.
Finalista do “I Concurso de cuartetos tradicionais” de Luou – 2007
Organizado pola A. C. A Mámoa, co cuarteto de gaitas tradicionais “O Rapacarallas” de Vigo.
2º Premio na categoría “Grupo Popular” no “51 Certamen Nacional de Acordeón” – 2008
Organizado pola “Asociación Galega do Acordeón”, cun dúo de gaita galega e acordeón, con Roberto Comesaña.
Finalista e 5º posición no “X Concurso de música tradicional Avelino Cachafeiro” – 2008
Gaiteiro solista, acompañado co tambor por Iago Barreiro.
1º Premio no “VI Concurso de maquetas de música da Universidade de Vigo” – 2008
Modalidade de “música folk” co grupo “A gharrapata”, con Roberto Comesaña.
Xurado no “VI Concurso de música tradicional Ricardo Portela, o gaiteiro de Viascón” – 2009
Premio Extraordinario Fin de Grao Profesional na especialidade de Gaita Galega – 2011
Conservatorio Profesional de Musica de Vigo.
Finalista nos III Premios Martín Códax da Música con “O Fiadeiro” – 2016
Músico da charanga/orquestra e técnico de son nas gravacións das publicacións.
Pregoeiro da “XLII Festa do gaiteiro de Soutelo de Montes” – 2021
Pregón na coñecida coma “Festa do Gaiteiro”, Soutelo de Montes (Forcarei) en homenaxe á figura de Avelino Cachafeiro e dos Gaiteiros de Soutelo.


EXMEMBRO, COLABORACIÓNS OU COMA SOLISTA

Pandeireteiras de Barro de Arén – 2004/09
Gaiteiro (gravación – gaita, tambor e bombo).
– Grupo de música folk O Regato de Matamulleres (A Estrada) – 2006
Clarinetista.
– Cuarteto tradicional de gaitas Axóuxere (Vigo) – 2006
Percusionista tradicional.
– Concerto-Homenaxe ás “Pandeireteiras de Barro de Arén” (Teatro Principal – Pontevedra) – 2006
Gaiteiro solista. Nesta homenaxe participaron “Os Abrentes de Cerdedo”, “Tear de Llerena”, “Donicelas”, “Xirandola” e “Leilía”.
Grupo Tradicional de Danzas Noutrora (Vigo) – 2006/07
Percusionista tradicional.
Asociación Folclórica Cantigas e Agarimos (Santiago de Compostela) – 2007
Gaiteiro. Gala do 85 Aniversario.
Polafía realizada en Cerdedo –  2007
Gaiteiro solista. Proxecto da “Asociación de Escritores en Lingua Galega” (AELG) co patrocinio da “Dirección Xeral de Creación e Difusión Cultural da Consellería de Cultura”.
– Grupo de música tradicional Foula (Pontevedra) – 2007/08
Saxofonista (saxofón soprano e alto).
– Charanga Vai de Baile (Luar da Televisión de Galicia) – 2007/08/09
Saxofonista (saxofón soprano), percusionista e técnico de son. Programa de televisión “Luar” da CRTVG (Compañía de Radio Televisión de Galicia).
Asociación Veciñal e Cultural “Casco Vello” (Vigo) – 2008/09/10/11
Clarinetista, percusionista e gaiteiro. “Festa da reconquista da vila de Vigo” e “Festas dos Maios”.
– Grupo de música tradicional Paidacana (Poio) – 2008/09
Gaiteiro. Dirección musical: Óscar Ibáñez.
Presentación da “XXIX Festa do Gaiteiro de Soutelo” (Soutelo de Montes – Forcarei) – 2008
Gaiteiro solista. Festa na honra do gaiteiro Avelino Cachafeiro, “O Gaiteiro de Soutelo”.
Asociación cultural de Baiña – 2008
Percusionista tradicional.
Lembranzas Galegas (Vigo) – 2008
Saxofonista (saxofón soprano).
Asociación “Centro Comercial Urbano Zona Monumental” (Pontevedra) – 2008
Saxofonista (saxofón alto). Co patrocinio da “Consellería de Innovación e Industria”, nas visitas teatralizadas “Boa Vila dende o Camiño Xacobeo” na cidade de Pontevedra.
Art-Monium, Compañía de espectáculos e teatro de rúa – 2009
Saxofonista (saxofón soprano).
Foles vellos – 2009
Saxofonista (saxofón soprano).
– Co músico de blues Eddie Evans (Eddie “el zurdo”) xunto cos músicos de “Phantom Club” (Vigo) – 2009
Saxofonista (gravación – saxos alto e tenor).
Grupo de danza da asociación Rueiro (Vigo) – 2009
Percusionista tradicional.
Asociación Folclórica Corisco (Vigo) – 2009 e 2012
Saxofonista (saxofón soprano e alto). No ano 2012 colaboración no 25 aniversario da asociación.
Presentación da “XXX Festa do Gaiteiro de Soutelo” (Soutelo de Montes – Forcarei) – 2009
Gaiteiro solista. Festa na honra do gaiteiro Avelino Cachafeiro, “O Gaiteiro de Soutelo”.
– Asociación Cultural A Seneira (Baiona) – 2010
Gaiteiro. “Festa da arribada 2010”.
Dakidarría (Val Miñor – Pontevedra) – 2010
Saxofonista (directo e gravación – saxofón soprano). Grupo de Punk/Ska/Reggae. Colaboración xunto con membros do Conservatorio Profesional de Música de Vigo (CPMV). Disco: “Reallidades Alienantes…”.
Concerto fin de carreira do músico Rafael Crespo – 2012
Conservatorio Superior de Música de Vigo. Colaboración no concerto fin de carreira do músico Rafael Crespo (especialidade gaita galega) xunto con músicos coma Xurxo Fernández, Lucía Comesaña, Armando Viñas, Ánxela Vidal, Lucía Martínez, Paulo González…. Saxofón alto (Charanga “O Fiadeiro”) e canto vocal (baixo – peza tradicional, “Ronda dos mozos de polaina enteira” recollida en Florderrei (Cancioneiro das Terras do Riós), arranxada por Rafael Crespo).
– Charanga tradicional Os Xirifeiros (Carríl – Pontevedra) – 2010
Saxofonista (saxofón soprano). Colaboración xunto cos músicos: Rafael Crespo, Ánxela Vidal, Cristian Silva e Alberto Costas.
– Con Marta Quintana (arpa, ex-“sete saias”) – 2010
Saxofonista (gravación – saxos alto e soprano).
Escola municipal de teatro de Vigo (Visitas teatralizadas ao casco histórico de Vigo) – 2010
Gaiteiro e percusionista. Colaboración coa “Escola municipal de teatro de Vigo” nas visitas teatralizadas ao casco histórico de Vigo co motivo da celebración do bicentenario da cidade (plan de competitividade turística de Vigo, turismo urbano e de ría).
Kallaikoi – 2010
Saxofonista (saxofón tenor). Colaboración co grupo de Punk/Rock “Kallaikoi” de Baiona (Pontevedra).
Charanga CostameKrelos (Bembrive – Vigo) – 2013
Saxofonista (saxofón alto).
Coro do Conservatorio Profesional de Música de Vigo – 2013
Canto coral (baixo). Colaboración co Coro do Conservatorio Profesional de Música de Vigo no auditorio David Russell do CMUS Profesional de Vigo co motivo da celebración do X Aniversario. Neste concerto estreouse a versión completa para banda e coro do “Himno a Vigo”, con música do mestre Reveriano Soutullo e letra de Pío L. Cuíñas, todo iso baixo a dirección de Juan Carlos Díaz.
– Co cantautor Urbano Cabrera – 2013
Gaita e percusións. Colaboración co cantautor baionés Urbano Cabrera xunto co grupo Abóbriga.
– Presentación do libro “Xoán Tilve, gaiteiro de Campañó” xunto a Oscar Ibáñez –  2015
Presentación da colección de libros de Chave Mestra con especial atención ao último número sobre Xoan Tilve, gaiteiro de Campañó. Neste acto estiveron presentes Ramón Pinheiro Almuinha, director artístico d’aCentral Folque e coordinador da edición; o musicólogo Xabier Groba; e Oscar Ibáñez, coautor do libre sobre Tilve. Nesta presentación acompañouse a Oscar Ibáñez coa perscusión na que interpretou varios temas coa gaita orixinal de Manuel Villanueva, unha xoia organolóxica do século XIX, gaita tombal que pertenceu ao propio Xoán Tilve. Presentado na ACF O Fiadeiro de Vigo.
“Un río de músicas pola paz” da Orqustra Xove 430 – 2016
Canto Coral (baixo) – Celebrado no Auditorio Mar de Vigo. Un programa de Primavera 2016 protagonizado pola orquestra Xove 430 e un coro efímero e participativo baixo a batuta de Julio Domínguez e Irene Gómez Calado.
– Coro Miñoca ma non toppo de Vigo – 2009/16
Exmembro – Membro fundador. Director: Ángel A. Montes.
– Charanga de música tradicional Abóbriga de Baiona – 2008/16
Exmembro – Saxofonista.
Charanga/Orquestra O Fiadeiro, músico titular – 2007/16
Exmembro da “Charanga/Orquestra O Fiadeiro” – saxofonista e colaborador coma gaiteiro e percusionista.
– Grupo de música folk Quempallou – Fin da formación 2016
Gaiteiro e clarinetista.
– Colaboración con Oscar Ibáñez e Tribo – 2018
Espectáculo “Aires de Pontevedra, homenaxe a Ricardo Portela” para pechar os actos conmemorativos do 25 Aniversario pasamento. Outros colaboradores: Anxo Pintos, Begoña Riobó, Xosé Liz, Marcos Campos, Chuco Estévez González, Miguel Souto, Wenceslao Cabezas “Polo”, Carla Villanueva Rodríguez, Álvaro Novegil Pintor Alvarellos, José Luis Lema, gaiteiros da Banda de Gaitas Nova Era de Verín, José Campos, Miguel Fraguas, Rubén Troitiño, Laura Garcia Couto, Maria Vidal Sabaris, Bailadores do Fiadeiro, Bailadores da A.F. Celme, Compañía de Danza Contemporánea Jesús Quiroga).
– Presentación do libro “A Requinta do Ulla – Obradoiro Riobó” do autor Rafael Carracedo –  2018
Presentación do libro “A Requinta do Ulla – Obradoiro Riobó” do autor Rafael Carracedo na ACF O Fiadeiro de Vigo. 
Orquestra Barroga Vigo 430 e Coro Rías Baixas – 2019
Canto Coral: Baixo – Concertos celebrados no Auditorio Afundación de Vigo e no Círculo de las Artes de Lugo no mes de xaneiro. Coro de Cámara Rías Baixas dirixido por Bruno Díaz, solistas: Eugenia Boix (soprano), Gabriel Díaz (contratenor) e unha das figuras máis destacadas do violín dentro do panorama historicista, Lina Tur Bonet, exercendo coma solista ademáis de como directora. A interpretación do repertorio a cargo da Orquestra Barroca Vigo 430, orquestra especializada e con instrumentos orixinais. Obras interpretadas: Leo: “Salve regina”; Stradella: “Crocifissione e morte de Iesu Cristo”; Vivaldi: concerto para violín “Il grosso mogul” e “Gloria”.
– Colaboración coa ACF O Fiadeiro e a ESADG (Escola Superior de Arte Dramática de Galicia) – 2019
Participación na respresentación músico-teatral do Libro/CD “A viaxe de José do Campo, unha historia musical dende O Courel ata Nova Orleáns”. Esta viaxe é o resultado do traballo do curso de 3º de Interpretación Xestual da ESAD de Vigo xunto ca A.C.F. O Fiadeiro, un traballo de meses que mestura interpretación e músicas e bailes tradicionais. Este esforzo creativo, que está baseado no libro-disco homónimo editado por Ton e Son Editorial co Fiadeiro e creado por Xavier Balsas e Rafa Crespo no ano 2015 – Venres 24 de maio no Auditorio Municipal do Concello de Vigo.
Roteiros pola tradición musical da provincia de Pontevedra adicado a Os Gaiteiros de Soutelo – 2019
Participación nesta iniciativa da Asociación de Gaiteir@s Galeg@s co apoio da Deputación Provincial de Pontevedra, cos que se pretende dar a coñecer e poñer en valor a figuras e formacións senlleiras da provincia, hoxe referencia imprescindible da nosa música tradicional.
– Pregón na XL Festa do gaiteiro de Soutelo xunto a Carme Hermida – 2019
Participación no pregón da “XL Festa do gaiteiro de Soutelo” encargado da parte musical interpretando dúas pezas, a primeira delas foi a “Alborada de Rosalía de Castro” e a segunda unha pequena obra de composición propia cun dos poemas de Avelino Cachafeiro do seu libro “Voando cas aas da vida”, xa que neste ano celebrouse o 50 aniversario da súa publicación, que leva por título “Canta a neniña pastora” (título orixinal do poema).
– Colaboración co Coro de Cámara Rías Baixas – 2021
Participación coma percusionista acompañante xunto con Inés Fernandez (violín) e Olalla Vidal (arpa) nos concertos celebrados nos días 27 e 28 de agosto dentro do ciclo ‘Vigo, un mar de corais’.
– Colaboración coa Banda de música de Cerdedo – 2022
Participación coma gaiteiro solista no concerto do sábado 30 de abrirl que leva por título “O Camiño: Mitos e Tradicións!”. Como notas ao repertorio que interpretei de maneira solista, a peza que interpretei para abrir o acto foi baseada no “Cantar do arrieiro”, de Manuela Cortizo (Manuela das Marianas ou Manuela de Barro) e a segunda a “Alborada de Rosalía de Castro”, do repertorio dos gaiteiros de Soutelo. Esta última co gallo do 50 aniversario do pasamento de Avelino Cachafeiro e tamén das actuacións que os gaiteiros de Soutelo fixeron en Cerdedo na súa época.