Comparto con todos vós uns punteiros, bombo (segundo a familia é o orixinal do cuarteto) e tambor pertencentes a Avelino Cachafeiro, o gaiteiro de Soutelo, doados pola familia para a súa conservación. Nos vindeiros días subirei máis fotografías.
Poderedes observar dous punteiros de Poceiro (tamén se conseva un ronco) e un punteiro de Riobó (consérvanse dúas pezas do ronco). A maiores están os dous punteiros da dereita (artesán descoñecido) e unha copa dun ronco.
Nos vindeiros días subirei máis fotografías. Quería dar as grazas a familia por contar comigo para gardar todo este material, é unha honra.
O novo disco do grupo Abóbriga, que leva por título Non hai fallo, xa está a venda dende finais do mes de outubro deste 2019. O disco, gravado en ChisPún! Estudios por Rubén Troitiño conta con 16 temas dos cales 11 son cantados, ademáis de un amplo repertorio de composicións propias do grupo.
Xa pasaron uns anos daquel Foliada en Baiona, o primeiro disco do grupo Abóbriga, pero ollo… Non hai fallo, onde hai un primeiro tamén hai un segundo, ademáis cunha dedicatoria moi especial tanto para o grupo coma para todos os amantes da música
tradicional da zona de Vigo e arredores.
Cando falamos de Abóbriga falamos de música de raíz, con personalidade propia, repertorio popular e tamén con temas persoais que reflicten o aire que teñen as composicións que xa consideramos de corte tradicional. Todo elo cunha mestura de gaitas e percusión tradicional sumadas a unha base harmónica proporcionada polo acordeón e dous instrumentos máis xogando coas propias melodías, desfacéndoas e propoñendo outras novas dentro da principal, sen esquecernos das voces, sempre con historias que contarnos. Iso
todo da coma resultado un disco coma este, dende o mítico cuarteto de gaitas ata o son das murgas, encargados de facer festa alí por onde van. Músicas que recordan aos antigos bailes das vilas onde a xente ía para troulear.
Moitos éxitos neste novo traballo discográfico dun ex-abóbrigo, e como diría Tino Gallego: Lume!
Falece o músico cerdedense Eduardo Troitiño Varela
Este 9 de novembro deixounos Eduardo Troitiño Varela, músico cerdedense. Formou parte da banda de música dirixida por José Benito. Naceu no lugar de Cabenca (Concello de Cerdedo-Cotobade) o 30 de outubro de 1927. Eduardo é sobriño dos músicos Antonio e Cesáreo Troitiño Beiro, irmáns do seu pai, tamín chamado Eduardo. Ademáis, este músico é pai de Jose Luis Troitiño e avó de Rubén Troitiño, gaiteiros da Asociación Cultural Os Abrentes de Cerdedo, que lle dedica esta lembranza. Dende a súa infancia gustáballe a música e sendo un cativo, con 9 anos, comezou a asistir ás clases na academia de José Benito, onde aprendeu a ler as partituras e a tocar o fliscorno, que aínda conserva en bastante bo estado. O 10 de marzo do ano 1955 casa con Pura Lavandeira Fortes, filla do baixista José María Lavandeira e neta do mestre de músicos Ramón Lavandeira.
No libro As Bandas de Música de Cerdedo, do autor Manuel Campos Toimil, editado pola A. C. Os Abrentes de Cerdedo, no ano 2010, recóllense moitas das anécdotas do que era a vida do músico naqueles tempos. Como ben recolle este libro, os mozos e rapaces que integraban as bandas ao moverse de lugar en lugar e de vila en vila tomaban contacto con outras realidades diferentes das que ata o momento tiñan coñecido en Cerdedo.
Algunhas novidades deixaríanos abraiados e lembraríanas para o resto das súas vidas.
Eduardo Troitiño tivo unha pequena aparición no programa Alalá da Televisión de Galicia, no capítulo adicado á A. C. Os Abrentes de Cerdedo, falando un pouco de como era a vida musical nos lugares de Cerdedo despois da Guerra Civil, na que a figura do gaiteiro xa case estaba olvidada quedando as ruadas con pandeiretas. Anos despois, a historia foi cambiando, empezaron a abrirse os salóns de baile coas orquestras, bandas de música, etc.
No ano 2018 a actual Banda de Música de Cerdedo homenaxea aos músicos cerdedenses daquela época, entre os que se atoparon Julio Durán Sieiro, Nicolás García Fortes, José Antonio Varela Márquez, Ramón Ricoy Mosquera, Jaime Barros Gondariz, José Iglesias Lavandeira, Manuel Torres Beiro e Eduardo Troitiño Varela.
Fue una de las figuras destacadas del municipio en el ámbito musical
Redacción | Cerdedo 10.11.2019 | 03:17
Os Abrentes de Cerdedo despidieron ayer a uno de los músicos más importantes en el municipio. Eduardo Troitiño Varela fue un músico cerdedense que formó parte de la banda dirigida por José Benito. Nació en el lugar de Cabenca el 30 de octubre de 1927. Era sobrino de dos de los músicos reconocidos, Antonio y Cesáreo Troitiño Beiro, hermanos de su padre. Además, este músico es padre de José Luis Troitiño y abuelo de Rubén Troitiño, gaiteros de la Asociación Cultural Os Abrentes de Cerdedo.
Desde su infancia le gustaba la música y siendo un niño, con nueve años, empezó a asistir a las clases en la academia de José Benito, donde aprendió a leer partituras y a tocar el fliscorno, que aún conservaba en buen estado. El diez de marzo de 1955 se casó con Pura Lavandeira Fortes, hija del bajista José María Lavandeira y nieta del maestro de músicos Ramón Lavandeira.
En el libro As Bandas de Música de Cerdedo de Manuel Campos Toimil, editado por Os Abrentes de Cerdedo en 2010, se hizo un recopilatorio de anécdotas de la vida del músico en viejos tiempos. Los jóvenes que integraban las bandas entonces, al moverse por diversos lugares y villas tomaban contacto con otras realidades diferentes de las que hasta el momento no conocieran en Cerdedo. Algunas las dejaban sorprendidos y las recordarán para el resto de sus vidas.
Eduardo Troitiño tuvo una aparición en el programa televisivo Alalá en el capítulo dedicado a Os Abrentes de Cerdedo, hablando de como era su vida musical después de la Guerra Vicil, en la que la figura del gaitero ya estaba casi olvidada, quedando en las calles con las panderetas. Años después, la historia fue cambiando y se empezaron a abrir salones de bailes con las orquestas y bandas de música. EN 2018, la Banda de Música de Cerdedo realizó un homenaje a los cerdedenses de aquella época entre los que se encontraba Eduardo Troitiño, Ramón Ricoy Mosquera, Jaime Barros Gondariz, José Iglesias Lavandeira o Manuel Torres Beiro.
O vindeiro sábado 19 de outubro a Asociación Cultural Os Abrentes de Cerdedo festexará o 25 aniversario do seu grupo de gaitas celebrando o VI Festival de música tradicional de Cerdedo ás 20:00h no Centro Cultural de Cerdedo.
O pasado sábado 24 de agosto celebrouse en Soutelo de Montes (Forcarei) a “XL Festa do gaiteiro de Soutelo” na honra a Avelino Cachafeiro. Foi para min un pracer poder poñer música neste ano ao pregón realizado por Carme Hermida interpretando dúas pezas, a primeira delas foi a “Alborada de Rosalía de Castro” e a segunda unha pequena obra que fixen cun dos poemas de Avelino Cachafeiro do seu libro “Voando cas aas da vida”, xa que neste ano celebouse o 50 aniversario da súa publicación, que leva por título “Canta a neniña pastora” (título orixinal do poema).
▪️ “Alborada de Rosalía de Castro” – Rubén Troitiño (gaita), Santiago Bernárdez (tambor) e Noelia Ratel (bombo). ▪️ “Canta a neniña pastora” – Rubén Troitiño e Miguel González Diz (gaitas), Santiago Bernárdez (tambor), Juan Bautista Alberte (bombo), Noelia Ratel, Mariña Río, Yoli A. Ceide, Ramón Pazos, Diego Cabaleiro e Manuel Rodríguez (voces).
O pasado sábado 24 de agosto celebrouse en Soutelo de Montes (Forcarei) a “XL Festa do gaiteiro de Soutelo“. Nesta ocasión tiven a sorte de poder participar poñendo música ao pregón de Carme Hermida. Uns días antes, o día 22 de agosto, a prensa Faro de Vigo publicaba unha pequena entrevista co gallo dese día.
