“Non hai fallo”, o novo disco de Abóbriga

O novo disco do grupo Abóbriga, que leva por título Non hai fallo, xa está a venda dende finais do mes de outubro deste 2019. O disco, gravado en ChisPún! Estudios por Rubén Troitiño conta con 16 temas dos cales 11 son cantados, ademáis de un amplo repertorio de composicións propias do grupo.

Xa pasaron uns anos daquel Foliada en Baiona, o primeiro disco do grupo Abóbriga, pero ollo… Non hai fallo, onde hai un primeiro tamén hai un segundo, ademáis cunha dedicatoria moi especial tanto para o grupo coma para todos os amantes da música
tradicional da zona de Vigo e arredores.

Cando falamos de Abóbriga falamos de música de raíz, con personalidade propia, repertorio popular e tamén con temas persoais que reflicten o aire que teñen as composicións que xa consideramos de corte tradicional. Todo elo cunha mestura de gaitas e percusión tradicional sumadas a unha base harmónica proporcionada polo acordeón e dous instrumentos máis xogando coas propias melodías, desfacéndoas e propoñendo outras novas dentro da principal, sen esquecernos das voces, sempre con historias que contarnos. Iso
todo da coma resultado un disco coma este, dende o mítico cuarteto de gaitas ata o son das murgas, encargados de facer festa alí por onde van. Músicas que recordan aos antigos bailes das vilas onde a xente ía para troulear.

Moitos éxitos neste novo traballo discográfico dun ex-abóbrigo, e como diría Tino Gallego: Lume!

Prólogo de Rubén Troitiño

Abóbriga - Banner

Deixamos a continuación unha pequena entrevista que lle ChisPún! Estudio lle fixo ao grupo Abóbriga sobre o seu novo traballo discográfico:

– Porque “Non hai fallo”?

O nome do disco decidímolo no pasamento do noso gran amigo Sio, do Furancho da Balsa. Sempre nos dicía a mesma frase: que rapaces, non hai fallo! E de aí saíu o nome do noso disco e tamén da peza que leva o mesmo nome.

– Neste novo traballo levades unha liña musical parecida ao primeiro disco “Foliada en Baiona” ou produciuse algún cambio á hora de elexir repertorio ou facer arranxos?

A liña é semellante, porque en practicamente todo o disco as pezas son da nosa composición, mantendo a base popular galega. Por outra parte, neste disco dedicámoslle máis tempo ós arranxos para os diferentes instrumentos e tamén as novas incorporacións aportaron un toque diferente.

– Que destacariades deste novo traballo discográfico?

Un predominio das pezas cantadas fronte as instrumentais e moitas das letras versan sobre o mar e a súa contorna.

– Tendes xa pechadas algunhas datas para facer presentacións do novo disco?

Estamos traballando niso, informarémosvos en breves.

– Que é o mais importante para vós cando estades enriba dum esceario?

Disfrutar, pasalo ben e estar xuntos. Intentar transmitirlle ó publico o que nós sentimos cando estamos enriba do escenario.

– Previsións para o próximo ano co gallo do lanzamiento do voto segundo traballo discográfico.

A nosa idea é presentalo en tódolos currunchos da nosa terra que podamos, sen descartar a Península Ibérica, Europa e incluso soñando, saltar o charco para ir á quinta provincia galega.

– Onde poderemos mercar “Non hai fallo”.

En calquera dos nosos concertos, contactando con calquera de nós ou polas redes do grupo e nos seguintes puntos de venta: Adobi Arte en Ponteareas, Arroaz na Guarda, en Baiona na Taberna de Sabas e en Telas Maseda, por Foz tamén estará e por Santiago, Aldán… e xa iremos informando con máis exactitude nas próximas datas doutros sitios.

– Por último, algo que queirades remarcar para todos aqueles que van a escoitar o disco nasa vindeiras semanas?

Que o disfruten e que o reciban co cariño co que nós o fixemos.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s